10 Հաճախակի սխալներ, որոնք ազդում են Booking.com-ի ամրագրումների քանակի վրա

Աշխարհի ամենամեծ ամրագրումների աղբյուրը Booking.com-ն է, որտեղ գոյանում է աշխարհում գեներացվող ամրագրումների 70%-ը:

Ըստ Statista.com-ի, 2021 դրությամբ հիմնական ամրագրումների շուկայի զբաղեցրած հարաբերությունն է՝

Booking.com-ը զբաղեցնում է 70,6%
Expedia.com-ը զբաղեցնում է 9,3%
HRS-ը զբաղեցնում է 5,9%
Hotels.com-ը զբաղեցնում է 2,1%
Agoda.com-ը զբաղեցնում է 0,6%

Ելնելով այս տվյալներից, այն հյուրանոցները, որոնք չեն ձկտում զարգացնել սեփական ամրագրումներ գեներացնելու հարթակները CRM-ի միջոցով, ստիպված են լինում, հիմնվել վերոնշյալ հարթակներին՝ ամրագրումներ ձեռք բերելու համար, ինչը հյուրանոցի եկամուտի 15-20%-ի հաշվին է լինում:

Սակայն շատ հյուրանոցներ տառապում են ամրագրումների քիչ քանակից՝ հատկապես Booking.com-ից, և հաճախ դժվարանում են մատնանշել պատճառները:

Մեր ուսումնասիրությունների արդյունքում, պարզաբանեցինք հաճախակի հանդիպող 10 սխալներ:

CRM-ի Ազդեցությունը Հյուրանոցային ոլորտում

1- Սխալ գնային քաղաքականություն

Ամեն ինչ արժեքից է կախված, երբ հյուրանոցը գերագնահատում է կամ թերագնահատում է սեփական արժեքը, հյուրերի մոտ ստեղծվում է վատ տպավորություն, հետևաբար հյուրերը հյուրանոցը Booking.com-ի վրա գնահատելիս բացասական կարծիք են հայտնում արժեքի վերաբերյալ:

Հյուրանոցներն այս սխալի մեջ հաճախ են հայտնվում, երբ չունեն մշակված գնային ռազմավարություն, ինչի հետևանքով, փորձում են կամ՝
– Գերագնահատել հյուրանոցի արժեքը՝ տեղադրելով բարձր գներ:
– Հյուրանոցի ծախսերը փակելու պատրվակով, թանկացնել սենյակների օրվարաձի գները:
– Շուկայական պահանջը հաշվի չառնելով, տեղադրել բարձր գներ:
– Թերագնահատելով հյուրանոցի որակն ու արժեքը, տեղադրել ցածր գներ, միայն թե ամրագրում ստանանք:

2- Ոչ ճկուն գնային քաղաքականություն

Հյուրանոցի կառավարման որակը ստուգելու համար, կարող եք ստուգել գնային քաղաքականությունը տարբեր ամսաթվերով, ինչը մատնանշում է ոչ մասնագիտացված վաճառքի աշխատանքը:

Երբ հյուրանոցի սենյակի օրավարձի արժեքն ամբողջ տարի մնում է 20’000 ՀՀ Դրամ, ապա նշանակում է այդ հյուրանոցը չի արժևորում հեռու ամրագրումները՝ Future Reservations, կամ վերջի րոպեի ամրագրումները՝ Last Minute Reservations: Հյուրանոցի գնային քաղաքականությունը պետք է գործի ավիատոմսերի նման, այսինքն․
Մի քանի ամիս շուտ ամրագրելիս, սենյակի արժեքները պետք է լինեն ավելի ցածր, քան երբ վերջի րոպեին են ամրագրում կատարում, որի շնորհիվ հյուրանոցը կկարողանա ապահովել գալիք ամիսների համար ամրագրումներ, և ամիսն ամսով չապրի:

Ճկուն գնային քաղաքականություն մշակելը մեխանիկորեն դժվար է, բայց ավտոմատացումը հնարավոր է, կարող եք օգտվել Դինամիկային գնային ռազմավարությունից (Dynamic Pricing), որը թույլ է տալիս ստեղծել տարբեր գնային արժեքներ տարբեր պայմաններից ելնելով, օրինակ՝

եթե ունենք 10 սենյակ, և x օրը այդ 10 սենյակներն ազատ են, ապա 60% զեղչված գին հայտարարեք, իսկ երբ ստանանք 2 ամրագրում և ունենաք ազատ 8 սենյակ, ապա 80% զեղչված գնով հայտարարեք մնացած սենյակները, իսկ երբ 2 սենյակ ազատ մնա, ապա այդ երկու սենյակների գինը 125%-ով հայտարարեք՝ այսինքն 25% ավելի թանկ:

Ինչպե՞ս ստանալ ամրագրումներ հաջորդ ամիսներին

Նմանատիպ հարթակ առաջարկում ենք նաև մենք՝ TATIOSA PMS , ինչը մատչելի գներով հասանելի է բոլոր չափսերի հյուրանոցներին՝ սկսած 6000 Դրամից: Ծանոթացեք սեղմելով այստեղ․

3- Բազմաթիվ գնային առաջարկների բացակայում

Booking.com-ը հնարավորություն է տալիս տարբեր գնային առաջարկներ տրամադրել հյուրերին, բայց շատ հյուրանոցներ խուսափում են օգտվելու այս հնարավորությունից՝ հեշտացնելու համար վաճառքի աշխատանքը, արդյունքում հյուրանոցը կորցնում է հնարավոր ամրագրումներ:

Պատկերացրեք հագուստի խանութ մտնեք, և այդ խանութը միայն մեկ տեսակի հագուստ ունենա՝ մեկ գույնով և նույն չափերի, պարզ է, որ այդ խանութը վաճառք չի ունենա, որովհետև այլ տարբերակներ չի առաջարկում:

Այս հյուրանոցը նույն սենյակը առաջարկում է 3 տարբեր պայմաններով, առաջին՝ նախաճաշն ըստ ցանկության և անվճար չեղարկումով, երկրորդը նախաճաշը ներառած, բայց մասնակի վճարումով՝ չեղարկման դեպքում, երրորդը՝ նախաճաշը ներառած և անվճար չեղարկումով:

Այս սխալն անում են հիմնականում ռեզորթները, որոնք ցանկանում են երեքանգամյա սննդի արժեքի մեջ ներառած լինի, և միայն այդ տարբերակն են առաջարկում հյուրին՝ չհասկանալով դրա բացասական կողմերը՝

Եթե երեքանգամյա սննդի արժեքն է 15’000 դրամ, ապա դուք այդ 15’000 դրամից 15% վճարելու եք Booking-ին
Ռեզորթի հյուրերն ընդհանրապես օրն անցակացնում են ռեզորթում, և պարզ է, որ այդ հյուրը միշտ ռեզորթի ռեստորանից է օգտվելու, բայց եթե առաջարկը լինի ենթադրենք 35000 դրամ՝ առանց երեքանգամյա սննդի, հյուրը ավելի հպված է լինելու ամրագրում կատարել այս տարբերակով, որովհետև նա կարողանալու է ռեզորթում հավելյալ սննդի համար գումարը վճարել:

4- Թերի տվյալներ Booking-ում

Booking.com-ը հյուրանոցին հնարավորություն է տալիս, ներկայացնելու բոլոր այն հարմարանքներն ու ծառայությունները, որոնք հյուրանոցում հասանելի են հյուրերին, և երբ հյուրանոցի նկարներն ու տվյալները իրար հետ չեն համընկնում, հյուրերի մոտ կասկածանք է առաջանում՝ արդյո՞ք նկարները հին են, թե տվյալները սխալ են:

Այս սենյակի դեպքում, նկարներով առկա են բազմաթիվ հարմարանքներ, օրինակ սենյակը ունի պատուհան և պատշգամբ, որը նայում է այգուն: Բայց սենյակի տվյալների մեջ այդ ամենը բացակայում են, Facilities բաժնում, որտեղ պետք է ցուցադրվեր սենյակի հարմարանքները՝ դատարկ են:

Այս օրինակի դեպքում, հյուրանոցի բոլոր տվյալները ճիշտ կերպով ներկայացված է, և այդ ամենն արտացոլվում է նկարներում:

5- Հյուրերի բացասական կարծիքները

Հյուրն առաջին տպավորությունը հյուրանոցի մասին ստանալու է այլ հյուրերի հրապարակած կարծիքներից, և ըստ Booking.com-ի հյուրերն ամրագրում կատարելուց առաջ կարդում են կարծիքները, ինչը մեծ ազդեցություն ունի որոշում կայացնելիս, ավելին, Booking.com-ի ալգորիթմը, որի շնորհիվ հյուրանոցն առաջարկվում է հյուրերին, կախված է հյուրանոցի հյուրերի հրապարակած կարծիքներից՝ Review Scores

Իսկ այս հրապարակման մեջ նշված բոլոր գլխավոր կետերը նպաստում են ցածր գնահատականի

6- Չեղարկել Booking.com-ի կայացած ամրագրումները

Հայաստանում հանդիպող ամենահաճախ սխալներից է այն, երբ հյորանոցն՝ իր շահույթը մի փոքր բարձրացնելու նպատակով, կայացած ամրագրումները Booking.com-ին ներկայացնում է որպես չեղարկված՝ ամրագրումի իրավասու միջնորդավճարը չվճարելու նպատակով:

Հիշեք, Booking.com-ի համար սա բիզնես է, և երբ ինքն իր գործընկներին չի վստահում, հակված չի լինելու իր այցելուներին առաջարկել հաճախ ամրագրումներ չեղարկող հյուրանոցը, որի շնորհիվ հյուրանոցի ամրագրումների քանակը նվազելու է, և ի վերջո, հյուրանոցը փակվելու է:

Booking.com-ի ալգորիթմը, որի շնորհիվ հյուրանոցը առաջարկվում է հյուրերին, կախված է հյուրանոցի կայացած ամրագրումներից, այսինքն, երբ հյուրանոցում հաճախ չեղարկումներ են լինում, ալգորիթմը դա հասկանում է կամ որպես խաբեություն հյուրանոցի կողմից, կամ հյուրերի դժգոհությունից՝ հյուրանոց հասնելիս, և կամ գնային քաղաքականության արդյունքում հյուրն այլ մատչելի տարբերակ է գտել այլ հյուրանոցում կամ այլ կայքում:

7- Կրկնակի Booking.com-ի հայտարարություններ

Լինում եմ դեպքեր, երբ հյուրանոցն ինչ-որ պատճառով, ստեղծում է նույն հյուրանոցի անունով հաշիվ՝ հայտարարություն booking.com-ում, կամ այլ անվան տակ նույն հյուրանոցը ներկայացնում այլ հաշվի տակ: Նման դեպքերում booking.com-ի բազմաթիվ ալգորիթմներն աշխատում են նման դեպքերը հայտանաբերելու վրա՝ օգտվելով նկարների, հասցեի, հյուրանոցի անունից և IP կոդերի շնորհիվ, իսկ երբ դա հայտնաբերվի, հյուրանոցը այնուհետ կհայտնվի հյուրանոցների ցուցակի վերջում:

Հյուրանոցներն այս քայլին հաճախ գնում են, երբ մեծ գումարի պարտք է գոյանում նրանց Booking.com-ի հաշվին, և չվճարելու նպատակով բացում այլ հաշիվ, հաշվի չառնելով, որ նոր հաշվով ամրագրում գեներացնելու հավանականությունն ավելի ցածր է լինում, քան գործող հին հաշիվը:

8- Տարբեր արժեքներ տարբեր կայքերում

Ամենաթանկ ծառայություններից մեկը բիզնես ոլորտում դա հաճախորդների ձեռքբերման արժեքն է, որտեղ յուրաքանչյուր գոյացած վաճառքից, բիզնեսը պետք է հաշվի ինչ արժեքի դիմաց գոյացավ այդ վաճառքը, և Booking.com-ը՝ լինելով աշխարհի ամենամեծ և հայտնի հարթակը, իրավասու է իր ծառայությունների դիմաց պահանջներ պարտադրել և միջնորդավճար սահմանել, որոնք բոլորովին արդար են:

Բայց հյուրանոցները միշտ փորձում են ստեղծել հաշիվներ տարբեր հարթակներում՝ ամրագրումներ ստանալու հավանականությունը բարձրացնելու նպատակով, և այլ հարթակներ ունեն տարբեր միջնորդավճարային սակագներ, օրինակ Expedia-ն 18%, նախկինում AirBnB-ն 5%, Booking.com-ը նվազագույնը 15%: Այդ պատճառով, հյուրանոցները յուրաքանչյուր հարթակում տրամադրում են նույն սենյակի դիմաց տարբեր գնային առաջարկներ, ինչը խստիվ արգելված է Booking.com-ի համար:

Booking.com-ի բազմաթիվ ալգորիթմներն աշխատում են հյուրանոցի բոլոր առցանց հայտարարությունների գնային արժեքները հայտնաբերելու վրա, և երբ հայտանբերվի խախտում, հյուրանոցը կհայտնվի հյուրանոցների ցուցակի վերջում, որպես պատիժ: Այս գործարքը կոչվում է Price Parity

Խուսափելու համար նման խնդիրներից, օգտվում են Channel Manager-ից, որը միանում է Հյուրանոցի Առցանց Կառավարման համակարգին և սենյակների օրավարձի արժեքների տվյալները 100%-ով ավտոմատ փոխանցում է Booking.com-ին, ինչը չեզոքացնում է այլ հարթակներում տարբեր գնային արժեքների հավանականությունը:

9- Հյուրանոցի էջի ցածր գնահատականը

Ըստ Booking.com-ի, այն հյուրանոցները, որոնց էջի՝ հաշվի գնահատականը 100%-է, ստանում են 18% ավելի ամրագրումներ:

Ստուգեք Ձեր Հյուրանոցի էջի գնահատականը սեղմելով այստեղ

Հյուրանոցի էջի գնահատականը կախված է բազմաթիվ գործոններից, որոնցից հիմնականը տվյալների առկայությունն է, օրինակ 4-րդ կետի պայմանները չբավարարելու դեպքում, հյուրանոցի էջի գնահատականը կլինի ցածր

10- Կրկնակի ամրագրումների բարձր հավանականությունը

Booking.com-ը հյուրին հյուրանոց առաջարկելիս ցանկանում է վստահ լինել, թե հյուրանոցը ամրագրումն ընդունելու է, և չի մերժելու սենյակի բացակայության համար: Այդ պատճառով հյուրանոցները, որոնք հատկապես տիպային սենյակների մեծ քանակ չունեն, համարվում են ռիսկային, հատկապես երբ հյուրանոցը հայտարարում է բազմաթիվ չեղարկումներ, իսկ եթե Booking-ը տեղեկություն ստանա, որ հյուրանոցը հյուրին չի ընդունել սենյակն ազատ չլինելու պատճառով, ապա այդ հյուրանոցի հաշվի վարկանիշն իջնում է:

Խուսափելու համար կրկնակի ամրագրումներից (Double Booking-ից) օգտվում են Channel Manager-ից, որը միանում է Հյուրանոցի Առցանց Կառավարման համակարգին և սենյակների զբաղվածության տվյալները 100%-ով ավտոմատ փոխանցում է Booking.com-ին, ինչը չեզոքացնում է հյուրանոցում կրկնակի ամրագրում ստանալու հավանականությունը:

Հյուրանոցային Առցանց Կառավարման Համակարգ

Սկսած 6000 Դրամից

Ծանոթանալ Ավելին